Viktig informasjon – Avlysing av Taremaresvøm 2025 Kjære deltakarar, trenarar og føresette, Vi må dessverre informere om at Taremaresvøm 2025 ikkje kan gjennomførast som planlagt. Årsaka er ei mellombels stenging av symjeanlegget i Brattvåg, der stevnet skulle haldast. I samband med teknisk synfaring ved bassenganlegget er det avdekt skade i membranen til bassengkonstruksjonen. Skaden har ført til fuktopptrekk og rustdanning i delar av armeringa i betongen. Sjølv om vasskvaliteten er innanfor gjeldande krav, vurderer kommunen at skaden inneber eit potensielt konstruksjonsmessig avvik som må undersøkjast nærare før vidare bruk kan reknast som forsvarleg. For ordens skuld understrekast det at stenginga er eit føre-var-tiltak basert på tekniske vurderingar, og ikkje har samanheng med vasskvalitet, driftsrutinar eller hygiene. Vi i Brattvåg Svømmeklubb synest dette er svært leit – Taremaresvøm har blitt eit viktig møtestad for svømmarar frå heile regionen, og vi hadde sett fram til å arrangere igjen i år. Vi kjem tilbake med informasjon så snart det er mogleg å planleggje ny dato eller alternativ løysing. Takk for forståinga – og for engasjementet de alle viser for svømmesporten!